Júst sum tú kemur oman til Vestmanna, beint við miðnámsskúlan, liggur Vestmanna Tourist Centre. Umframt at skipa fyri útferðum undir Vestmannabjørgini, bjóða tey eisini vælkomin innar í Føroya einasta voksmuseum.

Har kanst tú ganga ímillum og uppliva fleiri kend fólk úr søgum og sagnum okkara, frá landnámi og upp í nýggjari tíð, á ein heilt serstakan og spennandi hátt. 

Ein vitjan á søgusavninum er bæði øðrvísi, mennandi og spennandi, tí fleiri sansir verða stimbraðir tú bæði hoyrir, sært og luktar ymiskt á leiðini.

Keypir tú atgongd til søgusavnið, fært tú samstundis avsláttur til bátaútferð.