Hvørt tú hevur hug til eina hugnaliga máltíð við útsýni út á fjørðin, eina lætta máltíð eftir ein gongutúr, ella hug at smakka heilt serligt føroyskt brennivín, so hevur Vestmanna okkurt fyri øll.

Fjørukrógvin bjóðar sjógætissuppu, fisk og kips og annað gott. Á barnavinarligu Disvoy kanst tú njóta burgara ella pasta, ella royn heimagjørdar rættir við lokalum dámi Heima á Fitjum. Kaffi og nýbakaðar vaflur fær tú á hugnaligu Elva Café, og á Fair Isles Distillery kanst tú royna gin, vodka og whisky við føroyskum smakkum og íblástri.

Tak matarlystina við – í Vestmanna borðreiða tey.